भारत हे एक अद्वितीय राष्ट्र आहे, ज्याचे वस्त्र विविध भाषिक, सांस्कृतिक आणि धार्मिक धाग्यांनी विणले गेले असून सांस्कृतिक उत्क्रांतीच्या समृद्ध इतिहासाने आणि अहिंसा आणि न्यायाच्या तत्त्वांभोवती उभारलेल्या उत्तेजित स्वातंत्र्य संग्रामाने यास एकत्रित राष्ट्रीय ओळख निर्माण केली आहे. सामायिक इतिहासामध्ये परस्पर सामंजस्याच्या भावनेने विविधतेमध्ये एक विशेष ऐक्य निर्माण केले आहे, ज्यामुळे राष्ट्रत्वाची एक उंच ज्योत म्हणून उभे असलेल्या या राष्ट्रची देखभाल आणि संवर्धन करण्याची आवश्यकता आहे.

काळ आणि तंत्रज्ञानामुळे संपर्क आणि दळणवळणाच्या दृष्टीने अंतर कमी झाले आहे. गतिशीलता आणि संपर्क साधने सुलभ असणाऱ्या या युगात, मानवी संबंध अधिक दृढ करण्यासाठी आणि राष्ट्र निर्मितीसाठी एक समान दृष्टिकोन म्हणून विविध क्षेत्रातल्या लोकांमध्ये सांस्कृतिक देवाणघेवाण करणे महत्वाचे आहे. परस्परांची समजूत आणि विश्वास हा भारताच्या सामर्थ्याचा पाया आहे आणि सर्व नागरिकांनी भारताच्या कानाकोपऱ्यात सांस्कृतिकदृष्ट्या एकात्मता अनुभवली पाहिजे. उदाहरणार्थ, ईशान्येकडील विद्यार्थ्यांनी दिल्लीत आल्यावर 'अनोळखी भूमीत आलेले पाहुणे' असे वाटू नये.

31 ऑक्टोबर 2015 रोजी सरदार वल्लभभाई पटेल यांच्या जयंतीनिमित्त आयोजित केलेल्या राष्ट्रीय एकता दिनानिमित्त विविध भागातील रहिवाशांमध्ये सांस्कृतिक संबंध कायम ठेवण्याचा विचार मांडला होता. माननीय पंतप्रधानांनी असे प्रतिपादन केले की सांस्कृतिक विविधता हा एक आनंद आहे जो विविध राज्ये आणि केंद्रशासित प्रदेशातील लोकांमधील परस्पर संवाद आणि परस्परसंवादातून साजरा केला गेला पाहिजे जेणेकरून संपूर्ण देशात समजूतदारपणाची भावना निर्माण होईल. देशातील प्रत्येक राज्य आणि केंद्रशासित प्रदेशाला एका वर्षासाठी दुसऱ्या राज्य / केंद्रशासित प्रदेशासोबत जोडण्यात येईल, या कलावधी दरम्यान ते भाषा, साहित्य, पाककृती, उत्सव, सांस्कृतिक कार्यक्रम, पर्यटन इत्यादी क्षेत्रात एकमेकांशी संबंध निर्माण करतील. उदाहरणार्थ, 2017 साठी, आंध्र प्रदेशची पंजाबशी जोडी आहे.