या शतकात योगाने जगाला एक केले आहे, हे आपल्याला जाणवले आहे
-पीएम नरेंद्र मोदी

प्राचीन भारतीय परंपरेची एक अमूल्य देणगी म्हणून शारीरिक आणि मानसिक आरोग्याला चालना देण्यासाठी योग हे सर्वात विश्वासार्ह साधन म्हणून उदयास आले आहे. 'योग' हा मूळ संस्कृत शब्द युज पासून निर्माण झालेला असून त्याचा अर्थ 'सामील होणे', किंवा 'एकत्र येणे', जे मन आणि शरीराचे ऐक्य, विचार आणि कृती, संयम आणि पूर्तता यांचे प्रतिक, मनुष्य आणि निसर्गाच्या दरम्यान सुसंवाद, आणि आरोग्य आणि कल्याण एक समग्र दृष्टिकोन हा होतो.

पंतप्रधान नरेंद्र मोदी यांच्या अथक प्रयत्नांमुळे संयुक्त राष्ट्रांच्या सर्वसाधारण सभेने 21 जून हा आंतरराष्ट्रीय योग दिन म्हणून घोषित केला. आपल्या ठरावात, UNGA ने म्हटले आहे, "जीवनाच्या सर्व पैलूंमधील समतोल साधण्याव्यतिरिक्त आरोग्य आणि कल्याणासाठी योग एक समग्र दृष्टीकोन प्रदान करतो, योगाभ्यासाच्या लाभांबाबत माहितीचा व्यापक प्रसार जागतिक लोकसंख्येच्या आरोग्यासाठी फायदेशीर ठरेल" यामुळे सर्वांगीण आरोग्य क्रांतीचा एक युग निर्माण झाला ज्यात उपचारापेक्षा प्रतिबंधाकडे अधिक लक्ष दिले गेले.

अनेक शतकांपूर्वी संस्कृतमधील सर्वात लोकप्रिय कवी भर्तृहरि यांनी योगाचे वैशिष्ट्य अधोरेखित करताना म्हटले होते,

धैर्यं यस्य पिता क्षमा च जननी शान्तिश्चिरं गेहिनी
सत्यं सूनुरयं दया च भगिनी भ्राता मनः संयमः।
शय्या भूमितलं दिशोSपि वसनं ज्ञानामृतं भोजनं
एते यस्य कुटिम्बिनः वद सखे कस्माद् भयं योगिनः।।

याचा अर्थ असा आहे की, नियमित योगाभ्यास केल्याने माणूस काही चांगले गुण आत्मसात करू शकतो, जसे की धैर्य, जे पित्यासारखे रक्षण करते, आईसारखे क्षमा आणि मानसिक शांती, जे कायमचे मित्र बनते. नियमित योगाभ्यासाने सत्य आपले मूल बनते, दया आपली बहीण, स्वतःवर ताबा आपला भाऊ, पृथ्वी आपला पलंग बनते आणि ज्ञान आपली भूक तृप्त करते.