भारताला जगातील फूड बास्केट म्हणून रूपांतरित करण्यात अन्न प्रक्रिया क्षेत्राची क्षमता ओळखून भारत सरकारच्या अन्न प्रक्रिया उद्योग मंत्रालयाने अन्न प्रक्रिया उपविभागांमध्ये गुंतवणुकीला चालना देण्यासाठी उपाययोजना केल्या आहेत. यामध्ये बॅकवर्ड लिंकेज, फूड प्रोसेसिंग इक्विपमेंट्स, प्रोसेसिंगशी संबंधित रिसर्च अँड डेव्हलपमेंट, कोल्ड चेन स्टोरेज सोल्युशन्स, स्टार्ट-अप, लॉजिस्टिक आणि रिटेल चेन यांचा समावेश आहे.

समृद्ध भारतीय खाद्यसंस्कृतीची जगाला ओळख व्हावी तसेच देशातील वैविध्यपूर्ण अन्न प्रक्रिया क्षेत्रातील गुंतवणुकीला चालना मिळावी, या उद्देशाने अन्न प्रक्रिया उद्योग मंत्रालयाने 2017 मध्ये वर्ल्ड फूड इंडियाची पहिली आवृत्ती सुरू केली. 2023 हे आंतरराष्ट्रीय मिलेट वर्ष म्हणून साजरे करण्यासाठी आणि जागतिक अन्न प्रक्रिया उद्योगाला एकत्र आणण्याच्या उद्देशाने अन्न प्रक्रिया उद्योग मंत्रालयाने 2023 मध्ये वर्ल्ड फूड इंडियाची दुसरी आवृत्ती आयोजित केली.